Walikota Piaman Kanai “Kolak” dek Rang Mah Makan

Ajo Mukhlis katiko sadang badialog jo salah surang pangalola mah makan di Piaman

PIAMAN (Metrans)

Dek alah pernah marasoan baa padiahnyo kanai “kolak” dek rang mah makan, Walikota Piaman, Mukhlis Rahman, akianyo nyinyia maingekan wisatawan nan datang bakunjuang ka kota tu, supayo maindari babalanjo di restoran atau mah makan nan indak manyadiokan daftar hargo makanannyo.

Bahkam Ajo Mukhlis ko alah bara kali pulo mamintak pangusaha mah makan di Piaman tu, supayo manyadiokan daftar harago makanan di tampeknyo. Tapi malah bak angin lalu, imbauan tu indak didangaan doh, kanyataannyo hinggo kini masih banyak mah makan nan indak badaftar harago.


Alun lamo ko Ajo Mukhlis alah kanai “kolak” pulo baliak di kota nan nyo pimpin tu. Katiko tu keceknyo, liau makan basamo ampek urang anggota keluarganyo nan lain, di salah satu mah makan di kota tu.

Salain Ajo Mukhlis basamo keluarganyo, adoh 12 urang lai nan sato makan katiko tu, Jadi jumlah kasaluruahan nan makan katiko tu sabanayak 17 urang.

Tapi, katiko ka mambayia, Ajo Mukhlis manjadi takajuik maliek jumlah pitih nan harus inyo kaluan untuak makan 17 urang, saharago Rp900 ribu.

"Kami makan bersama lima orang anggota keluarga ditambah dengan 12 orang pengunjung yang ada pada saat itu, sehingga berjumlah 17. Namun saat pembayaran mencapai Rp900 ribu lebih," kato Ajo Mukhlis ka wartawan, Senin (19/3).

Manuruik Ajo Mukhlis, harago nan dipatuik dek rang mah makan tu kurang masuak aka. Sabab nan makan hanyo 17 urang, apolai indak adoh nan makan jo samba kapalo lauak doh.

“Kalau ditagih Rp900 ribu, itu artinya perorangnya dikenakan biaya sekitar Rp52 ribu, sementara makanan yang dipesan diperkirakan tidak sampai dengan jumlah tersebut. Bahkan makanan kepala ikan pun tidak ada dinikmati,” kejek Ajo awak ko. (sgr)


Jangan Lewatkan